Enquisa sobre o blogue. Participa

Ilas Cíes

Para reservar : http://www.campingislascies.com/reservas.php
mais información sobre o camping: http://www.campingislascies.com/

A Reconquista de Vigo

O Castro de Vigo:

No audio atoparedes información , horarios , e telefono para calquera dúbida.

Churruca

Ver Vigo ( Churruca) en un mapa más grande

Museo de Arte Contemporáneo ( MARCO )

Arquitecto do edificio orixinal: José María Ortiz y Sánchez
Ano: 1861
Arquitectos da remodelación: Manuel Portolés Sanjuán, Francisco Javier García-Quijada Romero e Salvador Fraga Rivas
Ano: 2001
Localización: Rúa do Príncipe, 54


En 1861 o arquitecto José María Ortiz y Sánchez redacta o proxecto de construción do edificio. Tras varios anos de cambios e engadidos, as obras rematan en 1880 como indica a placa de mármore situada na fachada principal, aínda que en realidade se seguiron a facer cambios e reformas.

Ademais de cárcere, o edificio acabou sendo un Palacio de Xustiza; no corpo rectangular, con fachada cara á rúa do Príncipe, instaláronse os xulgados e no resto do edificio, o cárcere.

É de planta hexagonal irregular formada por un corpo rectangular con fachada á rúa do Príncipe, un corpo circular no centro do que parten tres naves radiais e por último varios corpos laterais que pechan os lados do inmoble. Este tipo de planta -chamada panóptica- foi deseñada polo filósofo británico Jeremy Bentham (finado en 1832) e utilizada por vez primeira na construción de cárceres no século XIX; con ela conseguíase maior vixilancia, á vez que se creaban varios patios exteriores que facilitaban a ventilación e a entrada de luz natural, ademais de espazos abertos para os presos.

Orixinalmente tiña dúas plantas, mais engadíuselle unha máis nos tres corpos da fachada posterior e a nave central que os comunica. A fachada principal forma un conxunto airoso e harmónico; nela destacamos un corpo central máis saínte ca o resto e un zócalo que a percorre lonxitudinalmente. Este corpo é de pedra de cantaría almofadados e presenta unha maior profusión decorativa ca o resto da fachada; del destaca o balcón corrido, situado sobre ménsulas de pedra, e no que se abren tres portas con arcos semicirculares enmarcados en pilastras de estilo corintio e, como remate, un reloxo. A fachada posterior e as laterais son máis pesadas o teñen menos vans.

Os materiais construtivos empregados son o perpiaño de granito e a mampostaría revestida nos entrepanos dos muros.

Este edificio foi declarado Ben de Interese Cultural en 1990.

A remodelación do edificio iniciouse en 1999 e concluíu no ano 2001, para convertelo no museo de arte contemporánea da cidade, actualmente de titularidade municipal.

Da súa remodelación encargouse un equipo vigués de arquitectos formado por Manuel Portolés Sanjuán, Francisco Javier García-Quijada Romero e Salvador Fraga Rivas.

Na reforma mantívose, en todo momento, o esquema orixinal do antigo edificio. Destaca por isto, como sinal de identidade fronte a outros museos, o trazado panóptico das salas de exposición. A sua estrutura está formada por tres galerías e catro patios que parten dun núcleo central, rodeados de salas perimetrais, co que se despraza a entrada das salas de exposición desde a fachada cara ao centro.

No seu exterior construíuse un edificio anexo e un paseo peonil, nas rúas posteriores, que o integran perfectamente no seu contorno.



paxina web do museo : http://www.marcovigo.com/
ai podes atopar información, horarios, programación, etc
LOCALIZACIÓN
Príncipe 54 | 36202 Vigo
t. +34 986 113 900 f. +34 986 113 901
info@marcovigo.com

Castrelos.

(Patty Smith, unha das lendas do Punk, este verao, no auditorio de Castrelos)


Foi doado á cidade polo Marqués de Alcedo (1858-1936), o seu propietario.
O parque de Castrelos é unha das xoias da cidade, xa non só pola súa extensión (algo máis de 24 hectáreas, un dos máis extensos da cidade),
senón tamén polas suas dotacións.
Nel podemos atopar un auditorio ao aire libre, un lago artificial e o Pazo-Museo Quiñones de León, que integra un xardín inglés, un xardín francés e unha rosaleda.

O auditorio, un dos mellores do Estado español ao aire libre, atópase na zona central do parque. Aproveita a pendente da ladeira, o cal lle confire unha estrutura de teatro grecorromano. Delimítanse dúas zonas grazas a un foxo con auga. Neste auditorio celébranse concertos ao longo de todo o verán. A zona comprendida entre o foxo e o escenario é zona de pagamento, mentres que a zona situada na ladeira é de acceso gratuíto.

O lago artificial está construído a diferentes niveis, con fervenzas e chorros de auga. Unha ponte en medio do lago permite atravesalo. Existe a posibilidade de realizar espectáculos de luz e son sincronizados co movemento do auga. Viven e conviven nel diferentes especies acuáticas: cisnes, patos, gansos, etc., os cales se foron habituando á presenza das persoas e pasean tranquilamente entre eles.

O Pazo-museo Quiñones de León foi construído na segunda metade do século XVII. É un dos mellores exemplos da arquitectura palaciega galega. Hoxe en día é un museo onde podemos atopar unha sala de arqueoloxía; unha sala de pintura, cunha importante e ampla colección de pintura galega; unha sala dedicada á arte decorativa da época; unha colección de porcelana de Sargadelos e outros fondos artísticos legados por Policarpo Sanz. Ademais, cómpre destacar tamén os seus xardíns:

- O xardín francés atópase xusto detrás do pazo. É un xardín de gran beleza que, nas súas formas, lembra os xardíns de Versalles, a unha escala reducida. Está formado por un labirinto de buxos, en cuxo centro hai unha fonte de delfíns de granito, se ben estes, na súa orixe, eran de chumbo.

O xardín está delimitado no lado dereito polo xardín inglés e pola rosaleda no lado esquerdo. Estes tres espazos atópanse a diferentes niveis, o superior sería a rosaleda e o inferior o xardín inglés.

No corredor lateral, que separa o xardín da rosaleda, atópase o paseo dos escudos.

- O xardín inglés é coñecido tamén como a pradeira do té, dado ao costume británico dos seus anteriores donos de tomar o té neste lugar. É un xardín moito máis sinxelo ca o francés. O seu deseño está asociado á corrente naturista, onde a flora parece medrar libremente sen unha orde predeterminada, a excepción das árbores. Esta é unha pradeira rectangular rodeada por dous camiños, con varios exemplares arbóreos, e no centro un pequeno estanque cunha reprodución a escala do propio pazo -influencia das miniaturas chinesas que tan de moda estiveron durante o século XVIII-. Na parte final do xardín, sobre un estanque, está unha estatua do século XVII, A fonte de Neptuno, situada antigamente na Porta do Sol.

- A Rosaleda é un pequeno paseo con rotondas e esculturas. Ao longo do camiño trázase unha serie de arcos polos que crecen os rosais. Ao final da vía atoparemos a imaxe dunha virxe.

Praia de Samil e outras praias de Vigo.

Vigo conta con grande variedade de praias ao longo da sua costa. A cidade dispón de 45 areais , dende os mais extensos como Samil e O Vao, ata os mais recollidos en Saiáns e as praias paradisíacas das Illas Cíes.
Os distintos areais vigueses ofrecen a posibilidade de estar en continuo contacto co mar e de disfrutar da práctica de deportes náuticos.
A Cidade de vigo conta en total con cinco praias nudistas. Tres de elas se atopan en zonas moi próximas a Vigo: unha en Coruxo, e dúas en Saiáns; e as outras dúas podemos disfrutalas nas Illas Cíes.


PRAIA DE SAMIL


Praia de areia branca e fina situada na parroquia de Navia, moi preto da cidade. Mide uns 1115m de lonxitude por 15m de ancho, o que a convirte na maior praia de Vigo. Conta con todo tipo de servizos: Cruz Vermella, hamacas, restaurantes, limpeza, telefono, duchas, fontes, etc.
Para desprazarse á praia hai varias liñas de autobuses : L10, C15A, C15B e C15C todo o ano; C3 en verao; e as liñas nocturnas CN1 e CN2.



información sobre o resto das praias dE Vigo:
http://www.buscarenvigo.com/turismo/playas_vigo.html

Hai moitas para escoller.

Monumento a Xulio Verne.

Situada na Rúa das Avenidas.
Escultura inaugurada o 17 de outubro de 2005. Foi esculpida en bronce polo vigués José Molares e doada á cidade pola Asociación de Mulleres Empresarias de Pontevedra.

Trátase dunha homenaxe que a cidade de Vigo realiza a Xulio Verne (no centenario da súa morte), pola mención á urbe viguesa no seu libro 20.000 leguas de viaxe baixo o mar. Representa o escritor francés sentado sobre os tentáculos dun monstro mariño ou lura xigante.

Monumento ao Pescador

Figura de pedra esculpida por Alfonso Vilar Lamelas inaugurada en 1955 e que mide 12m de altura. É unha homenaxe aos homes do mar.

Nela, sobre un alto pedestal de dous corpos, se eleva a figura de un mariñeiro vestido coa roupa de augas que sostén un remo na sua man esquerda , no frente, unha muller co filho e unha "patela", agarda pacientemente e mostra o fruto da pesca.

Vervum : Casa das Palabras (Museo)

VERBUM - Casa das Palabras é un museo interactivo sobre todos os ámbitos relacionados coa comunicación humana, deseñado como un espazo cultural, lúdico e divulgativo no que os visitantes poden participar dun modo activo nos elementos expositivos.
VERBUM é un espazo de entretemento que permite experimentar e coñecer a través de xogos todo o relacionado coa comunicación: as linguaxes, os idiomas, as palabras, as letras, os sons, os signos, os símbolos, a vista, o oído, a lectura, a escritura, a literatura, a tecnoloxía…
VERBUM é un vocablo latino que significa “palabra”, porque a palabra é a orixe do contido do proxecto e o latín é a orixe das linguas que falamos en Galicia. Tomando a palabra como unidade mínima de significación, os contidos de VERBUM desenvólvense en catro disciplinas xerais: linguaxes, ciencias, literatura, tecnoloxía.
A oferta permanente de VERBUM amplíase coa programación de exposicións e actividades complementarias.

Horario
De 10:00 a 19:00 horas (inverno)
• Do 16 de setembro ao 14 de xuño.

De 10:00 a 14:00 e de 17:00 a 21:00 horas (verán)
• Do 15 de xuño ao 15 de setembro

Pechado
Luns (agás os que coincidan en festivo)
1 e 6 de xaneiro e 24,25 e 31 de decembro


Prezos
Prezo Xeral 3 euros
Prezo Reducido 1 euro
• Nenos/as de 8 a 14 anos.
• Titulares do carné xove ou carné de estudante.
• Persoas xubiladas, pensionistas, desempregadas e discapacitadas.
• Familias numerosas.
• Grupos escolares de centros de ensino de fóra do Concello de Vigo, excepto os de primeiro e segundo de primaria.
• Grupos visitantes con convenios especiais co Concello de Vigo.
• Outros grupos cun mínimo de 10 persoas.
• Tarxetas turísticas ou promocións promovidas ou aceptadas polo Concello de Vigo.
• Grupos que desenvolven actividades promovidas por entidades sen ánimo de lucro, en convenio coa Concellería de Cultura e Animación Sociocultural.

Entrada Gratuíta
• Nenos/as ata 7 anos (incluídos).
• Visitas de grupos escolares de calquera nivel educativo, sempre que o centro de ensino se ubique no Concello de Vigo ou de primeiro e segundo de primaria independentemente da situación do centro escolar.
• “Día do Verbum” que será o 25 de abril (Aniversario do Verbum) e o 18 de maio (Día Internacional dos Museos).
• Guías turísticos e monitores de discapacitados, de actividades infantís ou xuvenís.
• Usuarios de actividades programadas no Auditorio, Aula de Seminarios ou Vestíbulo.
• Grupos que desenvolven actividades promovidas por entidades sen ánimo de lucro, en convenio coa Concellería de Cultura e Animación Sociocultural.
• Persoas asociadas a entidades coas que se subscriba un acordo ao efecto co Verbum ou coa Concellería de Cultura e Animación Sociocultural.
• Visitantes que co documento nacional de identidade, certificado de empadroamento ou calquera outro documento acrediten a veciñanza no Concello de Vigo.


Visitas guiadas : http://www.verbum.vigo.org/viistasguiadas.php

O Sereo de Vigo ( Porta do sol)

Obra do escultor Francisco Leiro (1991). Preside a porta do sol (centro comercial e historico da cidade). Sobre dúas columnas de 13 metros de altura se situa umha figura fundida en aceiro, representación dumha persoaxe imaxinaria, mitade home, mitade peixe, coa mirada posta na mar. Primeira obra en Europa realizada con aceiro inoxidavel. Co tempo se convertiu nun simbolo da cidade

Parque do Castro / Charlie Rivel

Ver Parque do Castro/Parque Charlie Rivel en un mapa más grande

Pincha sobre a zona do parque para obter mais información.

mais información: http://wikimapia.org/77198/es/Parque-do-Castro

Praza da Princesa

A actual Praza da Princesa era a antiga pescadería. Anos atrás se festexaba o mercado do peixe. No centro, a fonte do Anxelote conmemora a reconquista da cidade.

Keltoi - Vigo

en esta entrada vouvos deixar unha canción do grupo vigués de punk/Oi! Keltoi, sobre Vigo.

Vigo de nuite

Área de Samil: Nas inmediacións da praia de Samil atópanse bares e discotecas que pechan a altas horas da madrugada.

Churruca:  É a zona de marcha máis alternativa da cidade.  Atopamos desde cervexarías, cafés e bares até locais que ofrecen concertos durante todo o ano. Os diferentes bares da zona ofrecen gran variedade musical, desde rock & roll, funky, techno… así como unha decoración atractiva nos seus locais.

Montero Ríos: zona próxima ao porto deportivo. Ao longo do paseo de Montero Ríos e nas rúas paralelas atopamos multitude de pubs, bares e restaurantes nos que se coidou ao extremo a decoración e os detalles. En verán destaca a cantidade de terrazas, lugar de cita obrigada para gozar das primeiras copas da noite.

Rúa Areal: amplia variedade de pubs nos que a diversión se prolonga ata altas horas da madrugada. Nesta zona atoparás os locais de moda da cidade coa música máis actual do momento.

Rosalía de Castro: zona onde atopamos unha grande oferta de restaurantes, bares de tapas, cervexarías e pubs próximos ás zonas de marcha da cidade.

Casco Antigo: Nos seus tempos foi a zona de moda e comeza lentamente a recuperar a súa antigua marcha. Actualmente está en fase de rehabilitación. Escenario da movida dos 80, destacou polos seus locais emblemáticos.

Aqui arriba podemos ver a sala A Farandula (en Churruca) onde podemos disfrutar de música en vivo e de numerosas festas todos os fines de semana. Destacar a súa estupenda decoración.
Enderezo : Rogelio Abalde, 6, Vigo, 36201
Horario: J,V,S de 19:00 a 04:30

E aqui tendes  a Iguana Club, outra sala de concertos que tamén podemos atopar en Churruca. Inagurada en 1990 polos newyorkinos "The Devil Dogs", polo seu escenario pasaron artistas internacionais e nacionais da talla dos Planetas, Killer Barbies, Green Day, The Offspring ou o cantautor arxentino Andres Calamaro.
Deixovos a súa paxina web para que podades acceder a mais información sobre a sala:

http://www.laiguanaclub.com/

Vigo no deporte

A cidade conta con equipos nas principais categorías de  fútbol (R.C. Celta de Vigo), baloncesto feminino (Celta Indepe), baloncesto masculino (Gestibérica Vigo), hockey sobre patíns (Vigo Stick), baloncesto en cadeira de rodas (Amfiv Aldasa), balonmán (Octavio Pilotes Posada), voleibol masculino (Vigo Valery Karpin) e feminino (Xuvenil de Turismo de Vigo), rugby (Universidade de Vigo Ednon TRC), fútbol sala (C.D. Vigo Fútbol Sala) e béisbol (Halcones de Vigo).


O deporte náutico merece unha mención especial xa que a Ría de Vigo reúne excelentes condicións naturais da Ría de Vigo para o acceso e abrigo da navegación; a súa paisaxe e a  súa tranquilidade a convirten nun lugar ideal para a práctica de actividades náuticas durante todo o ano. Por eso, a Ría de Vigo foi elexida como punto de partida de eventos deportivos recoñecidos internacionalmente como a Power Boat, a Volvo Ocean Race ou o Desafío Atlántico de Grandes Veleiros. E isto sen esquecernos dos innumerables campionatos rexionais, nacionais, europeos e do Mundo de diferentes modalidades de vela, remo e piragüismo que se disputan habitualmente na nosa ría.

 

Os deportistas da cidade tamén destacan noutros deportes como a patinaxe, o alpinismo ou o motociclismo.

Estadio de Balaidos

O Estadio Municipal de Balaídos é un estadio de fútbol situado na cidade de Vigo. É o estadio no que xoga como local o Real Club Celta de Vigo, equipo da Segunda división española
É obra do arquitecto Genaro de la Fuente e foi inaugurado en 1928 cun partido entre o Celta de Vigo e o Real Unión de Irún, no que gañou o Celta por 7-1. Posteriormente foi remodelado con motivo da acollida do Mundial de fútbol de 1982 e en 2004 con motivo da primeira participación do Celta na súa historia na Champions League, tendo esta última remodelación un custo de 3,7 millóns de €. Ten capacidade para 31.800 espectadores.

Rutas Turisticas

Vigo en Ruta

“Vigo en Ruta” é un programa de visitas peonís guiadas pola cidade. Trátase dun servizo gratuíto. As visitas están dirixidas aos turistas pero tamén aos cidadáns vigueses.
Actualmente ofrecemos tres rutas “100 minutos de cultura”, “100 minutos de mar” e “100 minutos de natureza”:

• “100 minutos de cultura” comeza no Marco (Museo de Arte Contemporánea) e remata na rúa da Pescadería, máis coñecida como "Rúa das Ostreiras". Durante o percorrido pódense contemplar algúns dos edificios, prazas e monumentos máis significativos da cidade.
• “100 minutos de mar” comeza na Praza da Pedra e remata no emblemático barrio de O Berbés. Durante este percorrido darase información sobre a evolución histórica do porto, así como a súa relevancia para a cidade nos últimos séculos.
• “100 minutos de natureza” comeza na Fortaleza do Castro e remata na Cruz dos Caídos. Durante este percorrido darase información acerca das esculturas, vexetación e historia do Parque do Castro.

As visitas realízanse en grupos de 15 persoas como máximo, en castelán, en galego e en inglés. A comunicación oral establecerase tanto en español como en inglés. É necesario formalizar a reserva con antelación.

PARA MÁIS INFORMACIÓN:

Teléfonos: 986 810 199 / 986 810 171  / 986 224 757

Fax: 986 810 110
e-mail: ofi.turismo@vigo.org

O “Bus Turístico”

Teléfonos: 986 810 199 / 986 224 757

Fax: 986 810 110
e-mail: ofi.turismo@vigo.org

• Funciona en Semana Santa e durante o período estival.
• Realiza catro viaxes ao día ás 10:00, 12:00, 16:30 e 18:30 con saída na rúa de Cánovas del Castillo.
• No resto do ano funciona os días que recalan cruceiros na cidade, e nestes días, o bus sae dende a Estación Marítima (consultar os horarios para os referidos días no 986 810 199
• Existe tamén a posibilidade de coller o Bus nas seguintes paradas: O Areal, Garcia Barbón 9, Policarpo Sanz 19, Venezuela 2, Venezuela 48, Rotonda do Monte do Castro, Praza de España, Praza de América, Museo de Castrelos, Martín Echegaray, Castelao, Samil - Praia, Alcabre e Bouzas.
• O Bus Turístico conta cun sistema de locución con auriculares, polo que se pode escoitar a información en varios idiomas.
• Tarifas:
  • Adultos: 7,50€.
  • Nenos (de 3 a 14 anos): 4€.
  • Menores de tres anos: Gratis (sen ocupar asento).

Co mesmo tícket pódese subir e baixar do “Bus” ao longo do día as veces que se queiran. Os billetes véndense no propio Bus Turístico.

Como chegar

Vigo está ben comunicada grazas a unha completa rede de infraestruturas que conectan a cidade cos principais núcleos urbanos galegos, peninsulares e internacionais.
O seu porto atlántico, o seu aeroporto, a rede de estradas e o ferrocarril permiten a existencia dunha ampla oferta de transportes para todos os gustos e todas as posibilidades.

Por estrada:

Vigo conta con tres grandes viais:

• A Autovía do Noroeste: conecta a cidade con Madrid e a meseta a través de 667 km de estrada.
• A Autovía das Rías Baixas: discorre dende Vigo até a autoestrada do Norte de Portugal, pasando por Tui, Braga e O Porto até enlazar con Lisboa; tamén enlaza coa autoestrada Vigo-Baiona.
• A autoestrada do Atlántico: comunica a cidade olívica co norte de Galicia a través de Pontevedra, Santiago e A Coruña.

En autobús:

As principais conexións enlazan Vigo con Madrid, Barcelona, Asturias, Bilbao, Irún, San Sebastián, Zaragoza, Extremadura, Andalucía... Tamén conta con rutas internacionais con Portugal (O Porto, Lisboa e Algarve), Francia, Suíza, Bélxica, Holanda, Dinamarca e Alemania.

• Estación de autobuses de Vigo:
• Enderezo: Avenida de Madrid, 57
• Teléfono: 986 373 411             
• Páxina web: http://www.vigobus.com/

En tren:

Existen conexións diarias entre Vigo e as cidades veciñas: Ourense, Pontevedra, Santiago, A Coruña e O Porto.
Ademais a oferta inclúe expresos e talgos cada día cara a Madrid e Barcelona, e trens directos a León, Ponferrada, Bilbao e Alicante.

• Estación de trens ADIF:
• Enderezo: Praza da Estación s/n.
• Atención ao cliente: 986 269 403
• Información nacional: 902 240 202 
• Información internacional: 902 243 402
• Páxina web: http://www.renfe.es/

En barco:

O porto vigués recibe cada ano miles de pasaxeiros de cruceiros, entre os que destacan o “Queen Mary II”, o “Queen Elizabeth”, o “Oriana” ou o “Arcadia”, entre outros.
Durante todo o ano hai transporte diario ás localidades de Moaña e Cangas do Morrazo.
Ademais, en Semana Santa e en época estival realízanse rutas diarias ás Illas Cíes e Isla de Ons.

• Naviera Mar de Ons:
• Enderezo: Estación Marítima s/n.
• Teléfono: 986 225 272
• Información: 902 454 645
• Páxina web: http://www.mardeons.com/
• Naviera Nabia:
• Enderezo: Rúa Eduardo Vicenti nº 11 - 2ºA, 36930 Bueu.
• Atención ao cliente: 986 320 048
• Fax: 986 430 416
• Páxina web: http://www.piratasdenabia.com/ (compras online)

En avión:

O aeroporto de Vigo está situado a 10 km do centro da cidade. Conta cunha ampla oferta de voos regulares a Madrid, Barcelona, Bilbo, Canarias, Alacant, Sevilla, Baleares, Valencia e Málaga; e voos internacionais a París, Copenhaguen, Francfurt, Estocolmo e Lisboa.

• Aeroporto de Peinador:
• Enderezo: Avenida do Aeroporto s/n.
• Teléfono: 986 268 200
• Páxina web: www.aena.es

Información

• Situación: 42º 14’ Norte, 8º 45’ Oeste
• Extensión: 110 km²
• Poboación: case 300.000 habitantes
• Densidade: 2.755 habitantes/km²
• Pluviosidade media: 1.400 litros/m² ao ano
• Temperatura media: 15ºC

Vigo ten unha poboación de case 300.000 habitantes aínda que, en realidade, a diario viven, traballan e estudan nesta cidade case medio millón de persoas, representando o 32% da poboación da provincia de Pontevedra e o 12% da poboación de Galicia.

Ademais de ser a cidade máis poboada de Galicia, é tamén a que maior fluxo migratorio rexistrou en toda a súa historia. Polo porto saíron, no pasado, centos de miles de emigrantes cara a América, pero tamén ducias de miles quedaron aquí e fixeron súa esta cidade axudando a construíla.

Vigo é unha urbe moi nova. A súa carta de cidadanía data de 1810 e o gran desenvolvemento urbano e demográfico produciuse no século XX, no que multiplica por vinte a súa poboación.

A cidade de Vigo está situada na metade da ría, á que dá o seu nome. A Ría de Vigo é a máis sureña das Rías Baixas e, sen dúbida, a de maior beleza. Dende as Illas Cíes até a enseada de San Simón, abríndose tras o estreito de Rande, no longo esteiro vigués esparéxense pintorescas vilas mariñeiras presididas pola urbe olívica, coñecida como “A Porta do Atlántico”. As súas praias son dun gran atractivo, con estupendas instalacións naúticas para a práctica de deportes naúticos e rutas pola Ría.

O municipio, de 110km², esténdese sobre unha orografía moi accidentada. Presidido polo monte do Castro e o monte da Guía, o seu perfil sinuoso xera as pintorescas costas do seu núcleo histórico e os magníficos miradoiros que, coa ría de protagonista, lle ofrecen ao visitante estampas de prodixio. Nesta superficie mestúrase unha consolidada estrutura urbana cunha morea de parroquias rurais.
Xeralmente soleada, con veráns cálidos pero non sufocantes, Vigo goza dun microclima dentro de Galicia.